ILAAJ KA ISLAMI TAREEQA

ILAAJ KA ISLAMI TAREEQA

AS SALAM O ALLAIKUM WR WB


IS POST KA MAQSAD SIRF YE WAAZEY KARNA HAI HI BIMARI DENE WAALA AUR SHIFA DENE WALA SIRF AUR SIRF EK HI ALLAH HAI ISLIYE HAME SIRF USI SE SHIFA OR MADAD MAANGNI CHAHIYE AUR KISI GAIR (PEER, BABA, MUJAWAR ETC.) SE BACHNA CHAHIYE AUR ALLAH KE DIYE HUE SAADHAN(SOURCES) KA ISTEMAL BAKHOOBI KARNA CHAHIYE...

SADHAN (SOURCES) KO INSHAALLAH NEXT POST ME EXPLAIN KARENGE




ISLAM NE INSAN KO KISI BHI MAIDAN ME ANDHA NAHI CHHODA, YAHAN TAK KI PESHAB PAKHANA JAANE TAK KE USOOL WA TAREEQA BATAYA AUR BIMARION KE ILAAJ KE BAARE ME BHI ISLAM NE BAHUT WAAJEH TAUR SE BATAYA HAI,


ISLAM NE TARAH TARAH KI BIMARION KE ILAAJ KE LIYE DO TAREEQE BAYAN KIYE HAIN,


1- DAWAON(MEDICENE) SE ILAAJ

2- DHIKR AUR DUA SE ILAAJ


AB ZARA IN DO TAREEQO PAR ROSHNI DAALNA CHAHTA HOON JISSE KI AAP ACCHI TARAH SAMAJH JAAYEN,


DAWAON(MEDICINE) SE ILAAJ:


NABI KAREEM SALLALLAHO ALLAIHI WASALLAM KI YAH SUNNAT THI KI AAP APNE SE APNA ILAAJ KARTE AUR DUSRON KO ILAAJ KE LIYE NASEEHAT KARTE,


HR ABU HURAIRAH (RA) SE RIWAYAT HAI KI NABI (SAW) NE FARMAYA- "ALLAH TAALA NE DUNIYA ME JAB KOI BIMARI PAIDA KI TO USKA ILAAJ AUR DAWA(MEDICINE) BHI SAATH HI SAATH UTARI "
(BUKHARI)


HZ JAABIR (RA) SE RIWAYAT HAI KI NABI (SAW) NE FARMAYA-
"HAR BIMARI KE LIYE DAWA(MEDICINE) MAUJOOD HAI JAB DAWA KA ISTEMAAL BIMARI KE ANUSAAR KIYA JAATA HAI TO ALLAH KE HUKM SE SHIFA HO JAATI HAI"
(MUSLIM)


HZ OSAMA BIN SHARIK (RA) SE RIWAYAT HAI KI-
" MAI NABI(SAW) SE SAAMNE HAAZIR THA KI KUCH GAWON (VILLAGERS) KE RAHNE WALE LOG HAAZIR HUE AUR AAP SE POOCHA-"AIY ALLAH KE RASOOL (SAW) ! KIYA HUM DAWA(MEDICINE) KAREN? AAPNE FARMAYA-AIY ALLAH KE BANDON! DWA KARO KYONKI ALLAH NE JO BIMARI DUNIYA ME PAIDA KI HAI TO USKI SHIFA AUR DWA BHI PAIDA KI HAI SIRF EK BIMARI KI KOI DWA NAHI, LOGON NE POOCHA-WAH KAUN SI BIMARI HAI ? AAPNE FARMAYA-"BUDHAPA"

(IBN MAJAH)


EK AUR RIWAYAT ME YE ALFAAZ AAYE HAIN -
"ALLAH NE KOI BIMARI AISI NAHI UTAARI JISKE LIYE DWA AUR SHIFA NA UTAARI HO, KUCH LOGON NE MALOOM KAR LIYA AUR KUCH LOG NAHI JAAN SAKE"

(RAWAAH AHMAD)


NABI KAREEM SALLALLAHO ALLAIHI WASALLAM NE DAWA WA ILAAJ KARAANE KA HUKM DIYA AUR KUCH BIMARION KA ILAAJ BHI BATAYA HAI JIS PAR AAJ KE HAKEEM WA ILAAJ KARNE WAALE SIR DHUN RAHE HAIN


HZ ABU HURAIRA(RA) SE RIWAYAT HAI KI UNHONE NABI KAREEM (SAW) KO FARMATE SUNA-
"KALAUNGI ME HAR BIMARI SE SHIFA HAI, MAUT KE ELAWA"
(BUKHARI,MUSLIM)


HZ AISHA (RA) SE RIWAYAT HAI KI NABI (SAW) NE FARMAYA-
"BUKHAR(FEVER) JAHANNUM KI SAANS(BREATH) KA ASAR HAI, ISLIYE USE PAANI SE THANDA KARO"

(BUKHARI,MUSLIM)


HZ ABU SAYID KHUDRI SE RIWAYAT HAI-

"EK AADMI NABI (SAW) KI SEWA ME HAAZIR HUWA AUR KAHA ME BHAI KO DUST(DYSENTRY) AA RAHE HAIN, AAPNE FARMAYA-USE SHAHAD(HONEY) PILAAO, PHIR WAH AADMI HAAZIR HUWA AUR KAHA-MAINE SHAHAD PILAYA USSE DUST AUR BAD GAYA, AAPNE PHIR KAHA KI USE SHAHAD PILAAO, IS TARAH WO AADMI 4 BAAR AAYA TAB BHI NABI NE YAHI KAHA KI USE SHAHAD PILAAO,AUR AAKHIR USKA PET THEEK HO GAYA ...

(BUKHARI,MUSLIM)


ISI TARAH NABI KAREEM(SAW) NE HARAM CHEEZO SE BANI DAWA KO HARAAM KAHA HAI...


HZ ABU HURAIRAH SE RIWAYAT HAI-

"NABI (SAW) NE HARAAM DAWA SE MANA KIYA HAI"
(ABU DAWOOD, TIRMIZI,IBNE MAJAH)


HZ ABDULLAH BIN MASUD FARMATE HAI-

"BESHAK HI ALLAH NE TUMHARI SHIFA US CHEEZ ME NAHI RAKHI HAI JIS KO TUM PAR HARAM KAR DIYA HAI"
(BUKHARI)

HZ TARIQ BIN SUWAID HAJRAMI(RA) NE NABI KAREEM(SAW) SE SHARAB(WINE) TAIYYAR KARNE KE BAARE ME MALOOM KIYA TO AAPNE UNKO MANA KAR DIYA TO UNHONE AAPSE KAHA -MAIN DAWA KI LIYE USE TAIYYAR KARTA HOON TO AAPNE FARMAYA-" YAH DAWA NAHI BALKI BIMARI HAI"

(MUSLIM ,ABU DAWOOD, MUSNAD AHMAD)


DHIKR SE ELAAJ:


DUSRA ILAAJ KA TAREEQA JO ISLAM NE BAYAN KIYA HAI WO HAI QURANI AYATON AUR JHAAD PHOONK SE


HZ AISHA(RA) RIWAYAT HAI-" NABI (SAW) NE UNKE GHAR EK BACCHI KO DEKHA JISKA CHEHRA PEELA(YELLOW) PAD CHUKA THA, TO AAPNE FARMAYA ISKO BURI NAZAR LAGI HAI ISKI JHAAD PHOONK KARO,
(BUKHARI,MUSLIM)

HZ SHIFA BINT ABDULLAH (RA) SE RIWAYAT HAI-" NABI (SAW) TASHREEF LAAYE AUR MAIN PAAK PATNI HZ HAFSA KI PAAS THI, AAPNE FARMAYA-TUM PAHLU KI FUNSIYON KI DUA INKO KYON NAHI SIKHA DETI JIS TARAH INKO LIKHNA SIKHAYA HAI
(RAWAH ABU DAWOOD)

HZ ANAS (RA) SE RIWAYAT HAI-"NABI (SAW) NE BURI NAZAR ZAHREELE JAANWAR KE KAATNE, AUR DANK MARNE, AUR PAHLU KI FHUNSIYON ME JHAAD PHOONK KI IJAJAT DI HAI
(RAWAH MUSLIM)

HZ AUF BIN MALIK (RA) SE RIWAYAT HAI-" HUM JAHILIYYAT KE DAUR ME JHAAD PHOONK KARTE THEY, HUMNE POOCHA KI, AIY ALLAH KE RASOOL(SAW)! IS BAARE ME AAP KYA FARMATE HAIN? AAPNE FARMAYA- TUM APNE JHAAD PHOONK MUJHE BATAO, JIS JHAAD PHOOK ME SHIRK SE ALFAAZ NA HO USME KOI HARZ NAHI
(RAWAH MUSLIM)

HZ AISHA(RA) SE RIWAYAT HAI-" NABI(SAW) JAB BIMAAR HOTE TO SUR-NAAS AUR FALAQ PADHKAR APNE UPER DAM KARTE AUR JAB AAPKI BIMARI BADH GAYI TAB MAIN AAP PAR PADHTI THI, AAPKE HAANTHON KO AAPKE PAAK JISM PAR PHERTI TAAKI TAAKI AAPKE HATHON KI BARKAT HASIL HO
(BUKHARI,MUSLIM)